Së paku dy mbështes të udhëheqësit të dënuar të opozitës ruse, Aleksei Navalni, u arrestuan sot në qytetin Kirov, gjatë protestave kundër dënimit të udhëheqësit të tyre me pesë vjet burg.
Navalni u dënua sot me pesë vjet burg, nën akuzat për mashtrim financiar. Protestuesit theksuan se dënimi dëshmon se presidenti i Rusisë, Vladimir Putin, është një diktator, i cili qeveris me ndihmën e represionit.
Navalni, një aktivist kundër korrupsionit, ka udhëhequr një prej protestave më të mëdha kundër Putinit, që nga ngritja e tij në pushtet në vitin 2000.
